Уей, нысашэ къэхъуащ.
Уей, шылэ джэдыр къытхуащтэ,
Уей, шылэ джэдыр тхауныкъу.
Уей, я фэ лъейхэр зылъакъуэ,
Уей, я пыlэжьхэр къракъухри,
Уей, чэум зэрыдохыр.
Уей, я къехуэхыр нэхъыбэщ,
Уей, уанэ къуапэ трагъэз,
Уей, шу зырызурэ къокlуэсэж.

Уей, нысэуэ къатшэри,
Уей, нэ фlыцlэ пэрикъи,
Уей, къарэ пэтlини,
Уей, дэным хуэlэши,
Уей, хьэрэшэкlэ бзаджи,
Уей, быныр зыlегъыхьэр.
Уей, къихьэм хуодалъэр,
Уей и лъэдакъэ пымыт,
Уей, lэщlэплъхьэхэр мэкlуэд.

Уей, нысэ къыдошэ.
Уей, къызыхуэтшэ щауэри,
Уей, щауэ щхьэхынэщ,
Уей, пхэщlыщхьэ задэщ,
Уей, адэ щlэин хуэнацlэщ,
Уей пцlы упсыным хуэlэзэщ,
Уей, зигъэзэжу мэжей,
Уей, бжэн щтауэ зеплъыхь,
Уэ сыт мыгъуэр уфыз.

Уей, насашэ къэхъуащ.
Уей, нысэуэ къатшэри,
Уей, щауэм дейкlэ фlэдахи,
Уей, гуащэм дейкlэ фlэщаби,
Уей, быным дейкlэ тфlэжани.
Уей, нысэ жан фыхуеймэ,
Уей, шылэ джэдыр мащlэlуэщ,
Уей, гъэлъэхъу тlыщlэр тхуэвукl,
Уей, фигу пымыкlмэ дошэж.

Уей, нысэ къыдошэ.
Уей, уш зимыlэри къотэдж,
Уей, шылэ джэдыр тфlеух,
Уей, шы пэхужьым мэшэс,
Уей, къущхьэ уэсыр еубэ,
Уей, бжьабэ пшэрыр неубыд,
Уей, фи щхьэзадэ лlы хъыжьэт.
Уей, зи lэужьыр ди нысэ,
Уей, нысэ махуэм фехъуэхъу.

Уей, нысашэ къэхъуащ.